VivaCell-MTS–ը երկու սակագնային փաթեթների բաժանորդներին հնարավորություն է տվել բաժանորդագրվել «Հատուկ» փաթեթին

ԵՐԵՎԱՆ, 8 ապրիլի. /ԱՌԿԱ/. VivaCell-MTS–ը երկու սակագնային փաթեթների բաժանորդներին հնարավորություն է տվել բաժանորդագրվել «Հատուկ» փաթեթին, հայտնեցին ընկերության մամուլի ծառայությունից։

Մասնավորապես, «Անձնական» և «Խոսում է քաղաքը» սակագնային պլանների բաժանորդները հնարավորություն ունեն իրենց մտերիմների համար բաժանորդագրվելու արդեն երկու «Հատուկ» փաթեթի:

«Հատուկ» փաթեթն, ընդամենը 2500 դրամ ամսավճարի դիմաց, տրամադրում է 1500 րոպե ներառված ներցանցային խոսելաժամանակ և դեպի ՀՀ բջջային ցանցեր 150 SMS հաղորդագրություն ուղարկելու հնարավորություն: Իսկ ամսվա ընթացքում նշվածից ավելին օգտագործելու կամ այլ ծառայություններից օգտվելու դեպքում վճարը գանձվում է համապատասխանաբար ըստ «Անձնական» կամ «Խոսում է քաղաքը» սակագնային պլանի համար սահմանված սակագների:

ՎիվաՍել-ՄՏՍ-ը (Ղ-Տելեկոմ ՓԲԸ) Հայաստանի շարժական կապի առաջատար օպերատորն է, որն ունի ամենահզոր 2G/3.75G/4G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում:

VivaCell-MTS (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին:–0–

Ծանոթացեք լուրերին առաջինն ու քննարկեք դրանք մեր Telegram-ում

14:31 08.04.2014