VivaCell-MTS հայկական բջջային օպերատորի բաժանորդների թիվը գերազանցել է 2 միլիոնը
ԵՐԵՎԱՆ, 1 հուլիսի. /ԱՌԿԱ/. Հայաստանում VivaCell-MTS բջջային օպերատորի գործունեության տասը տարիների ընթացքում բաժանորդների քանակը գերազանցել է 2 մլն մարդը, ասել է կազմակերպության գլխավոր տնօրեն Ռալֆ Յիրիկյանը։
Նրա խոսքերով` այսօրվա դրությամբ տվյալների փոխանցման ծառայություններից օգտվողների թիվը կազմում է 1.12 մլն. բաժանորդ։
«VivaCell-MTS–ը ապահովում է 3G բջջային ցանցի ծածկույթով բնակչության 98.8%–ը, 2G` 99,8%–ը։ 2009 թվականին կազմակերպությունը առաջին անգամ Հայաստանում գործարկել է 4G/LTE ցանցը`150 Մբիթ/վրկ արագությամբ։ Ներկայումս 4G ցանցը հասանելի է բնակչության 45.7%–ին` Հայաստանի 7 քաղաքներում», – ասել է Յիրիկյանը։
Նրա խոսքերով` տասը տարիների ընթացքում կատարված զանգերի քանակը կազմել է 23.5 տրլն, իսկ սմս–հաղորդագրությունների քանակը` 2.7 մլրդ։
«Այսօր հանրապետության ամբողջ տարածքում գործում են 92 սպասարկման կենտրոններ, որոնք աշխատում են շաբաթական յոթ օր` շուրջօրյա սկզբունքով։ 42.2 Մբիթ/վրկ արագություն ապահովող ցանցը հասանելի է Հայաստանի 615 բնակավայրերում, 48 քաղաքներում», – ասաց Յիրիկյանը։
Նա նշեց, որ VivaCell-MTS–ն ունի 494196 ռոումինգ գործընկեր աշխարհի 196 երկրներում։
«Ուզում եմ հատուկ շնորհակալություն հայտնել մեր ընտանիքի 1400 անդամներին` VivaCell-MTS ընտանիքիներ, առանց որոնց մենք չէինք կարողանա հասնել նրան ինչն ունենք այսօր», – նշել է Յիրիկյանը։
VivaCell-MTS (Ղ-Տելեկոմ) ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին։ –0–
Ծանոթացեք լուրերին առաջինն ու քննարկեք դրանք մեր Telegram-ում
19:17 01.07.2015