VivaCell-MTS ընկերությունը Վերադարձի դասական երաժշտության վեցերորդ փառատոնի գլխավոր հովանավորն է
ԵՐԵՎԱՆ, 25 սեպտեմբերի. /ԱՌԿԱ/. ՎիվաՍել-ՄՏՍ ընկերությունը նախօրեին Երևանում մեկնարկած Վերադարձի դասական երաժշտության վեցերորդ փառատոնի գլխավոր հովանավորն է, «ԱՌԿԱ» գործակալությանը հայտնեցին ընկերության մամուլի ծառայությունից։
Փառատոնի շրջանակներում կանցկացվեն ութ համերգներ, որոնց մասնակիցների թվում են հանրահայտ հայ երաժիշտներ Ֆրանսիայից, Իսրայելից, Դանիայից և Գերմանիայից:
Վերադարձի դասական երաժշտության վեցերորդ փառատոնի հանդիսավոր բացման համերգը կայացավ սեպտեմբերի 24-ին Ա.Խաչատրյան Համերգասրահում, իսկ փառատոնի համերգաշարն իր աշխատանքը կավարտի հոկտեմբերի 31-ին:
«Դասական երաժշտությունը կարևոր է մարդու ներդաշնակ զարգացումն ապահովելու համար: Որպես Հայաստանում հեռահաղորդակցության առաջատար օպերատոր և կորպորատիվ պատասխանատու քաղաքացի, ՎիվաՍել-ՄՏՍ-ը մեծ կարևորություն է տալիս հայաստանյան հասարակության գեղագիտական դաստիարակությանը և բազմակողմանի զարգացմանըե, - ասաց ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Նա ընդգծեց, որ ընկերությունը պետք է նպաստի մեր հասարակությունում դասական երաժշտության մասսայականացմանը։ Մամուլի ծառայությունից հայտնեցին, որ Փառատոնի անվանումն ամբողջությամբ արտահայտում է դրա նպատակը` մի տանիքի տակ համախմբել Հայաստանի և արտերկրի դասական երաժշտության հայ կատարողներին:
Վերադարձի դասական երաժշտության ամենամյա փառատոնն անցկացվում է ՀՀ Նախագահի Տիկին Ռիտա Սարգսյանի բարձր հովանու ներքո։
ՎիվաՍել-ՄՏՍ-ը (Ղ-Տելեկոմ ՓԲԸ) հայկական շուկայում է աշխատում 2005 թվականից։ Ընկերության բաժնետոմսերի 80 տոկոսը պատկանում է Ռուսաստանի և ԱՊՀ կապի խոշորագույն օպերատոր «Մոբիլնիե Տելեսիստեմի» ԲԲԸ–ին, մնացած 20 տոկոսը` լիբանանյան Fattouch Group ներդրումային խմբին։--0-
Ծանոթացեք լուրերին առաջինն ու քննարկեք դրանք մեր Telegram-ում
14:14 25.09.2012
