ՎիվաՍել-ՄՏՍ–ն առաջարկում է դոմենի գրանցում՝ առավել մատչելի գներով
ԵՐԵՎԱՆ, 13 հունիսի. /ԱՌԿԱ/. ՎիվաՍել-ՄՏՍ–ի ռեզիդենտ հաճախորդների համար հունիսի 13-ից մինչև օգոստոսի 31-ն .AM և .հայ տիրույթներում մեկ դոմենի գրանցումը առավել մատչելի կլինի, հայտնում է ընկերության մամուլի ծառայությունը։
Գրանցումն այդ ժամանակահատվածում 1 տարվա համար կարժենա 8000 ՀՀ դրամ՝ նախկին 12000 ՀՀ դրամի փոխարեն:
Իսկ ոչ ռեզիդենտ օգտատերերի համար դոմենի գրանցումը կարժենա 12000 ՀՀ դրամ՝ նախկին 20000 ՀՀ դրամի փոխարեն:
Դոմենը գրանցելու համար պետք է այցելել ՎիվաՍել-ՄՏՍ-ի մոտակա սպասարկման կենտրոն:
ՎիվաՍել-ՄՏՍ-ը («ՄՏՍ Հայաստան» ՓԲԸ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-
Ծանոթացեք լուրերին առաջինն ու քննարկեք դրանք մեր Telegram-ում
18:51 13.06.2017