ՎիվաՍել-ՄՏՍ-ը «բաց դռների օր» է անցկացրել «Արեգնազան» կրթահամալիրի տասներորդցիների համար
ԵՐԵՎԱՆ, 4 մայիսի. /ԱՌԿԱ/. Դպրոցի ավագ դասարանների աշակերտների շրջանում ապագա մասնագիտության ընտրությունն ամենակարևոր հարցերից մեկն է:
ՎիվաՍել-ՄՏՍ-ը հյուրընկալել էր Երևանի «Արեգնազան» կրթահամալիրում սովորող 21 տասերորդ դասարանցիների, ինչպես նաև նրանց դասղեկներ՝ Տեղեկատվական տեխնոլոգիաների գծով փորձագետ Սամվել Մարտիրոսյանին և Գայանե Դաշտոյանին, հայտնում է ընկերության մամուլի ծառայությունը։
Հայաստանի հեռահաղորդակցության առաջատար օպերատոր ՎիվաՍել-ՄՏՍ-ը պարբերաբար կազմակերպում է «Բաց դռների օրեր»՝ ավագ դպրոցի սաների, ինչպես նաև ուսանողների համար: Ընկերության դռները մշտապես բաց են դպրոցականների առջև՝ մի շարք մասնագիտությունների վերաբերյալ պատկերացում կազմելու, կողմնորոշվելու հարցում նրանց առավելագույնս օգտակար լինելու նպատակով:
ՎիվաՍել-ՄՏՍ-ի գլխավոր տնօրեն Ռալֆ Յիրիկյանն «Արեգնազանի» սաներին հակիրճ ներկայացրել է ընկերության պատմությունը, առաքելությունն ու գործունեության հիմնական ուղղությունները:
Ռալֆ Յիրիկյանը խոսել է ՎիվաՍել-ՄՏՍ-ի արժեհամակարգի, կորպորատիվ կառավարման մշակույթի կարևորության և առանձնահատկությունների մասին՝ որպես նորարարության նախպայմաններ:
ՎիվաՍել-ՄՏՍ-ի տնօրենը պատանիներին ներկայացրել է կորպորատիվ պատասխանատվության սկզբունքները, այդ ուղղությամբ ընկերության իրականացրած աշխատանքներն ու սոցիալական ներդրումների առանցքային ծրագրերը:
«ՏՀՏ-ն դինամիկ զարգացող ոլորտ է: Այս ոլորտը ներառում է մի շարք նեղ մասնագիտական ենթաոլորտներ, որտեղ աշխատելու համար անհրաժեշտ են կրթություն, գիտելիքներ և ամենակարևորը՝ հետևողականություն ու ստեղծագործական միտք: ՎիվաՍել-ՄՏՍ-ում ներգրավված են լավագույն մասնագետները: Իսկ լավագույնը լինելը պահանջում է ոչ միայն կրթություն և գիտելիք, այլև՝ շարունակական աշխատանք՝ հմտություններն անընդհատ կատարելագործելու ու ընկերության կողմից սահմանված թիրախներին հասնելու միջոցով», - ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Ընկերության գլխամասային գրասենյակում կազմակերպվել է շրջայց, որի ընթացքում տասներորդ դասարանցիներն այցելել են ընկերության գործառնական հիմնական կենտրոններ: Ռալֆ Յիրիկյանի հետ դպրոցականների հանդիպումն ավարտվել է հարց ու պատասխանով:
«Արեգնազան» կրթահամալիրը գործում է 1994 թ.-ից և Հայաստանի առաջին և միակ վալդորֆյան դպրոցն է: Վալդորֆյան դպրոցների թիվն աշխարհում անցել է 1000-ից` բոլոր մայրցամաքներում: Այս դպրոցներն առանձնապես տարածված են Եվրոպայի գերմանալեզու երկրներում, Արևմտյան և Արևելյան Եվրոպայում, ԱՄՆ-ում և Կանադայում, Հարավային Ամերիկայում: Վալդորֆյան դպրոցներ են գործում նաև Իսրայելում, Ճապոնիայում և Եգիպտոսում: Բոլորը դպրոցները պետական արտոնագրեր ունեն, հիմնականդպրոցների ավարտական վկայականներն ու վկայագրերը ընդունվում են տվյալ երկրներում:
ՎիվաՍել-ՄՏՍ-ը (ՄՏՍ Հայաստան ՓԲԸ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-
Ծանոթացեք լուրերին առաջինն ու քննարկեք դրանք մեր Telegram-ում
11:35 04.05.2017