VivaCell-MTS–ն ավելի շահավետ պայմաններ է առաջարկում «ՄՏՍ կոնեկտ» բոլոր սակագնային պլանների բաժանորդների համար
ԵՐԵՎԱՆ, 26 մայիսի. /ԱՌԿԱ/. VivaCell-MTS բջջային օպերատորն ավելի շահավետ պայմաններ է առաջարկում «ՄՏՍ կոնեկտ» ինտերնետային ծառայությունների բաժանորդներին, հաղորդում է ընկերության մամուլի ծառայությունը։
Այժմ «ՄՏՍ կոնեկտ ուսանողական», «ՄՏՍ կոնեկտ անսահմանափակ» և «ՄՏՍ կոնեկտ անսահմանափակ+» ինտերնետային սակագնային պլանների թե՛ ընթացիկ բաժանորդները, և թե՛ նրանք, ովքեր նոր կդառնան դրանցից որևէ մեկի բաժանորդ, ստանում են փաթեթներով տրամադրվող ծառայություններից օգտվելու առավել լայն հնարավորություններ:
Այսպես, «ՄՏՍ կոնեկտ 256»–ի բաժանորդները 3,5 հազար դրամ ամսավճարի դիմաց կստանան գերարագ ինտերնետի փաթեթ` առանց արագության սահմանափակման 2ԳԲ ներբեռնմամբ և վերբեռնմամբ, իսկ սահմանաչափի օգտագործումից հետո արագությունը կկազմի 256 Կբիթ.վ։
«ՄՏՍ կոնեկտ ուսանողական» ՍՊ–ի բաժանորդները 5,5 հազար դրամ ամսավճարի դիմաց կստանան գերարագ ինտերնետի փաթեթ` առանց արագության սահմանափակման 7 ԳԲ ներբեռնմամբ և վերբեռնմամբ, իսկ սահմանաչափի օգտագործումից հետո արագությունը կկազմի 1 Մբիթ/վրկ ներբեռնում (նախկին 512 Կբիթ/վ.–ի փոխարեն) և 256 Կբիթ/վրկ վերբեռնում (նախկին 128 Կբիթ/վ.–ի փոխարեն)։
«ՄՏՍ կոնեկտ անսահմանափակ» ՍՊ–ի բաժանորդները 8,5 հազար դրամ ամսավճարի դիմաց (նախկին 8,8 հազար դրամի փոխարեն) կստանան գերարագ ինտերնետի փաթեթ` առանց արագության սահմանափակման 25 ԳԲ ներբեռնում և վերբեռնում (նախկին 15 ԳԲ ներբեռնման և 10 ԳԲ վերբեռնման փոխարեն), իսկ սահմանաչափի օգտագործումից հետո արագությունը կկազմի 512 Կբիթ/վրկ ներբեռնում (նախկին 384 Կբիթ/վ.–ի փոխարեն) և 256 Կբիթ/վ. վերբեռնում (նախկին 128 Կբիթ/վ.–ի փոխարեն)։
«ՄՏՍ կոնեկտ անսահմանափակ+» ՍՊ–ի բաժանորդները 11,5 հազար դրամ ամսավճարի դիմաց (նախկին 12 հազար դրամի փոխարեն) կստանան գերարագ ինտերնետի փաթեթ` առանց արագության սահմանափակման 50 ԳԲ ներբեռնում և վերբեռնում (նախկին 30 ԳԲ ներբեռնման և 20 ԳԲ վերբեռնման փոխարեն), իսկ սահմանաչափի օգտագործումից հետո արագությունը կկազմի 1 Մբիթ/վրկ ներբեռնում և 256 Կբիթ/վ վերբեռնում (նախկին 128 Կբիթ/վ.–ի փոխարեն)։
Բացի այդ, գիշերային ժամերին` ժամը 02։00–ից մինչև 08։00–ն, «ՄՏՍ Կոնեկտ» բոլոր սակագնային պլանների բաժանորդները, այդ թվում նաև «ՄՏՍ կոնեկտ 256» սակագնային պլանի բաժանորդները կարող են օգտվել անվճար անսահմանափակ ինտերնետից։
Սակագնային պլանով նախատեսված գերարագ ինտերնետ փաթեթը սպառելուց հետո գիշերային ժամերին ինտերնետի արագությունը համապատասխանում է յուրաքանչյուր սակագնային պլանով փաթեթի սպառումից հետո ինտերնետի համար նախատեսված արագությանը:
Առնվազն մեկ տարով բաժանորդագրվելիս «ՄՏՍ կոնեկտ» USB մոդեմը տրամադրվում է անվճար:
VivaCell-MTS (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին:
($1 – 413,31 դրամ. –0—
Ծանոթացեք լուրերին առաջինն ու քննարկեք դրանք մեր Telegram-ում
13:28 26.05.2014