ՎիվաՍել-ՄՏՍ-ի բաժանորդները կարող են օգտվել 4G ռոումինգից ՄՏՍ-Ռուսաստանի ցանցում
ԵՐԵՎԱՆ, 4 օգոստոսի. /ԱՌԿԱ/. Այսուհետ ՎիվաՍել-ՄՏՍ-ի բաժանորդները, գտնվելով Ռուսաստանում, կարող են օգտվել տվյալների փոխանցման ծառայություններից 4G/LTE ցանցում, հաղորդում է բանկի մամուլի ծառայությունը:
4G/LTE ցանցի հնարավորություններից օգտվելու համար անհրաժեշտ է ակտիվացնել ռոումինգը նախքան Հայաստանից մեկնելը և, արդեն Ռուսաստանում, միանալ ՄՏՍ-Ռուսաստանի ցանցին:
«4G/LTE տվյալների փոխանցման ծառայությունները տրամադրվում են նույն պայմաններով, ինչ 2G/3G ցանցերում՝ 49 դրամ/ՄԲ»,- ասված է հաղորդագրության մեջ:
VivaCell-MTS (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: ($1 – 406,82 դրամ)։-0-
Ծանոթացեք լուրերին առաջինն ու քննարկեք դրանք մեր Telegram-ում
13:52 04.08.2014