ՌԴ կառավարությունը հանձնարարել է բջջային կապ ապահովել Ղրիմում
ԵՐԵՎԱՆ, 28 մարտի. /ԱՌԿԱ/. ՌԴ կառավարությունը Հաղորդակցության և կապի նախարարությանը հանձնարարել է մինչև մարտի 28–ը նախապատրաստել Ղրիմի Հանրապետության և դաշնային նշանակության քաղաք Սևաստոպոլում լարային հեռախոսակապի և բջջային կապի կայուն գործողության ապահովման միջոցառումների ծրագիր, ասվում է կառավարության փաստաթղթերում։
Բացի այդ, Հաղորդակցության և կապի նախարարությանը և Պահպանության դաշնային ծառայությանը հանձնարարվել է կարճ ժամկետներում ապահովել կապուղիների, այդ թվում` հատուկ կապուղիների կազմակերպում Ռուսաստանի և Ղրիմի Հանրապետության ու Սևաստոպոլի պետական դաշնային մարմինների տեղեկատվական փոխգործակցության համար, հաղորդում է digit.ru–ն։
Ներկայում Ղրիմում և Սևաստոպոլում ֆիքսված կապի ծառայությունների հիմնական ծավալը տրամադրում է գործարար Ռինատ Ախմետովին պատկանող ուկրաինական «Ուկրտելեկոմ» ընկերությունը։ Բջջային կապի ծառայություններ տրամադրում են հիմնականում երեք ընկերություններ` ռուսական ՄՏՍ օպերատորի ուկրաինական «դուստր» «ՄՏՍ Ուկրաինայի» ղրիմյան մասնաճյուղը, «Վիմպելկոմ»–ի «Կիևստար» դուստր ընկերությունը և թուրքական Turkcell ընկերության դուստր life–ը։-0-
Ծանոթացեք լուրերին առաջինն ու քննարկեք դրանք մեր Telegram-ում
12:24 28.03.2014
