Yahoo–ն դատի է տվել ԱԱԳ–ին` հատուկ ծառայության կողմից օգտագործողների տվյալների մասին հարցումները գաղտնազերծելու իրավունքի համար
ԵՐԵՎԱՆ, 10 սեպտեմբերի. /ԱՌԿԱ/. Yahoo ամերիկյան ինտերնետ–ընկերությունը դատի է տվել ԱՄՆ Ազգային անվտանգության գործակալությանը` ԱՄՆ հատուկ ծառայությունների կողմից օգտագործողների անձնական տվյալներին հասանելիություն ստանալու նպատակով հարցումների քանակի մասին տեղեկություն հրապարակելու իրավունքի համար, գրում է Guardian–ը։
Yahoo–ն հուլիսի կեսին դատարանում իրավունք ստացավ հրապարակելու փաստաթղթերը PRISM անձնական տվյալների հավաքման ծրագրով։ Փաստաթղթերը վերաբերվում են Yahoo–ի` ԱԱԳ–ի պահանջով իր օգտագործողների անձնական տվյալները տրամադրելուց հրաժարվելու փորձերին, հաղորդում է «Նովոստի–Արմենիան»` հղում անելով ՌԻԱ Նովոստիին։
Ամերիկյան դատարանը որոշել է, որ ԱՄՆ արդարադատության նախարարությունը պարտավոր էն գաղտնազերծել փաստաթղթերն այն մասին, որ 2009 թվականին Yahoo ընկերությունը, նրա պնդմամբ, «վճռականորեն առարկել է» կառավարական կառույցներին օգտագործողներին տվյալների տրամադրման դեմ։
Դատարանը սահմանել է փաստաթղթերի գաղտնազերծման ժամկետները և գործող որոշումները մինչև սեպտեմբեր, ինչը չի նշանակում լուրերի ամբողջական բացում, քանի որ ԱՄՆ իշխանությունները կպահպանեն դրանց որոշակի մասի հրապարակման խմբագրման հնարավորություն, որը, իշխանությունների կարծիքով, պետք է գաղտնի մնա։
«Մենք դիմել ենք դատարան, որովհետև չունենք հարցումները (դրանց թվի մասին տեղեկություն) բացելու իրավունք»,– ասել է ընկերության ներկայացուցիչը։ Երկուշաբթի նմանատիպ նախաձեռնությամբ են հանդես եկել Microsoft և Google ընկերությունները, որոնք ավելի մեծ թափանցիկության են ուզում հասնել հատուկ ծառայության հետ փոխգործակցության հարցում։
Հունիսի սկզբին ԿՀՎ նախկին աշխատակից Էդվարդ Սնոուդենը տվյալներ է հրապարակել ամերիկյան ԱԱԳ PRISM հույժ գաղտնի ծրագրի մասին, որը թույլ է տալիս հետևել էլեկտրոնային հաղորդակցություններին խոշորագույն կայքերում։ Մի շարք ընկերություններ հասել են ԱՄՆ իշխանությունների հարցումներով իրենց օգտագործողների ընդհանուր վիճակագրություն հրապարակելու թույլտվության։ Առաջինը հատուկ ծառայությունների հարցումների մասին տեղեկությունը հրապարակել են Facebook–ը Microsoft–ը և Apple–ը։--0—
Ծանոթացեք լուրերին առաջինն ու քննարկեք դրանք մեր Telegram-ում
13:42 10.09.2013
